早前傳出William與Angelababy年底結婚，事後兩人齊聲否認，其實以現在他們如日方中的事業，絕非結婚好時機。近日工作不斷的William，除了唱歌外，又拍廣告又拍電影，令荷包進帳不少。據知他為獎勵自己，早前豪擲六位數買下火紅色AUDI TT新車，日前更被目擊駕着「老婆」到九龍城出巡，認真威風！

William見車身沾了灰塵，即緊張地以抹車布抹淨愛車。

Baby身為William的緋聞女友，但仍未有機會坐他的新車。（資料圖片）

胃口大開

當日William駕駛火紅跑車出現九龍城，他以一身型仔打扮配以紅色波鞋出現，與新車顏色襯到絕。而其座駕上亦發現有一名女伴，該女伴並非Baby，但見其車頭卻留下「證據」，出現一個Baby至愛的粉紅色小袋仔！由於紅色車身極之搶眼，引起不少途人注目。而William泊好車後更十分愛錫「老婆」，見車身沾了灰塵，即緊張地從車尾箱取出抹車布，將戰車抹得一塵不染，無微不至！

其後William與女同事走入一間餐廳醫肚，見他胃口大開，將碟頭飯三扒兩撥便成功「K.O.」，後來他更負責付款埋單，十分識做，然後載着女同事以安全車速駛離九龍城。

好難龜速

William事後接受電話訪問，承認最近買了新車，不過Baby未坐過，他說：「我好鍾意紅色跑車，呢部馬力大，性能良好，今次買車係激勵自己，要再發憤搵多啲錢。（想唔想似城城有多部名車？）梗係想。（Baby坐過未？）未喎！（邊個可以坐？）任何人。（龜速駕駛？）呢部車都好難龜速喎，但我絕對會小心駕駛。」

文：專案組

攝：謝國華