偉仔日前已正式重投連串武術及體能訓練，他坦言：「雖然受傷期間要暫停練功，但我冇放棄做運動或者鬆懈落嚟，我知功夫呢樣嘢永遠都練唔夠，所以保持住做適量運動，想盡快pick up番。」偉仔又承認再練功時有陰影，故練習時在手臂上戴上保護套減輕痛楚：「雖然仲有少少痛，但今次受傷已算好彩，因為傷咗個位唔算難好番，總算可以趕及《一代宗師》開工。」

遇有心人問候

偉仔形容這兩個月猶如放了個悠長假期，雖然醫生叮囑他療傷期間要暫停劇烈運動，且至少休息三個月才能完全康復，但偉仔卻十分認真，休息個多星期後即每日做兩小時單手gym及跑步一至兩小時，以鍛煉手腳肌肉、靈活度及keep住身形，而偉仔跑步時為免手臂搖動觸及受傷部位，總會紮着手臂及握緊拳頭，而在跑步時曾碰到有心的途人問候傷勢，令他很窩心。

獲讚領悟力高

負責指導偉仔的詠春大師梁紹鴻師傅都大讚偉仔領悟力高、身手靈活，且對他受傷期間不放棄的精神十分佩服，梁師傅又讚偉仔的氣質、形態及內斂的性格與葉問師傅相近。

文：影視組