樂壇天后容祖兒將於十月四日在香港文化中心開入行十周年音樂會，反應非常熱烈，門票於短短七分鐘內被搶購一空，她笑言是一個計謀，想將音樂會變得更矜貴，而且該場地是她參加歌唱比賽入行之地，特別有意義。
祖兒將於下月四日在香港文化中心大劇院舉行「Joey Yung PERFECT 10 LIVE 2009」音樂會，一日內連開午場及夜場。由於反應熱烈，門票七分鐘內旋即被搶購一空。
歌曲重新編排
祖兒對此笑說：「其實係一個計謀，今次想將個騷變得矜貴啲。入嚟睇嘅觀眾唔單止聽到我嘅代表作，仲會聽到我啲非主打歌，我哋會將啲歌重新編曲，務求精英化。」她還透露當年就在文化中心參加歌唱比賽入行，所以特別在此舉行十周年音樂會。
過去十年祖兒屢獲殊榮，多次奪得最受歡迎女歌星獎，而且開騷場場爆滿，天后之名當之無愧。談到過往最難忘片段，她稱：「我媽咪幫我剪報，佢一剪一貼將我啲新聞儲起，都已經儲咗六、七大箱，好多片段都好難忘，有啲又好蝦碌。例如某年內地做騷，我被影到四十吋『大龍躉』，此後我無時無刻警戒自己要努力keep fit。」雖然一日開兩場騷，但祖兒自信地說：「戒口又勤練歌，我已開動唱歌引擎！」
有意開放企位
為了這個「十年企劃」演唱會，祖兒將於現場推出限量版Deluxe Boxset預售票和海報，Boxset裏除了有新歌EP、絕密私相簿、全新造型寫真、海報和神秘DVD外，還有場內限定版粉紅色USB。據知因早前門票火速售罄，主辦單位與文化中心有意開放「企位」，現在磋商階段還未落實，詳情稍後公布。
採訪：張國文 攝影：黎志輝