薛凱琪（Fiona）早前不慎「走陰」，想不到「陰」影蔓延到好姊妹鄭融身上，中秋節未到已率先出招以「股惑」迎月！昨日鄭融偕同Fiona出席活動，並真空上陣，以超緊身tube dress谷胸姿態搶盡風頭，期間鄭融保持警覺免走光，卻顧此失彼，玩到興起時竟露出白滑股邊，底裙盡現，認真香艷！
昨日Fiona及鄭融於海港城出席《ANTEPRIMA X HELLO KITTY II》活動，並穿上ANTEPRIMA新裝示人。其中以黑色tube dress兼真空上陣示人的鄭融，豐滿上圍效果「凸」出，甫出場即成為全場焦點，不過由於鄭融的短裙有下滑危機，故她全程保持警惕，常四圍張望及檢查裙子以防走光。
小心翼翼防「高炒」
雖然如此，但鄭融仍顧此失彼，尤其見好姊妹Fiona和心愛的HELLO KITTY同場後，愈玩愈興奮，一時忘卻Fiona早前的「走陰」意外，笑到忘形彎腰之際，忽然連同粉藍色打底裙露出白滑的股邊，想不到中秋節未到，鄭融已施展「股惑」招數來迎月！不過鄭融似對春光乍洩未有為意，期間與Fiona在台上又玩又笑，Fiona貪玩地按住HELLO KITTY的鼻子外，跟鄭融合照時更欠默契，因走錯位而差點撞在一起！
活動結束後，鄭融仍保持小心翼翼，受訪前先張望四周，又拒絕行近多人俯瞰的扶手電梯旁，更說要踏上台階以防記者「高炒」拍攝。她說：「呢條裙好危險，係品牌揀畀我着，好窄。我想安全啲，如果大家同一個level，影相會好危險，真係要小心啲。（係咪見Fiona受咗教訓先咁小心？）都唔關事，不嬲都係咁。」在旁的Fiona也插口謂：「都話唔關事！」
谷胸效果唔真實
對於打扮如此性感，鄭融說：「件衫真係太細，因為無彈性，好似古代啲宮廷衫咁谷住，呢個唔係真實效果（指上圍），感覺比真實更加唔真實，我唔想畀人以為係真。」雖然服裝不大合身，但鄭融亦敬業地大賣口乖說：「出function梗係幫品牌sell product，唔係賣弄性感。」至於Fiona的裙子雖有點透視，但她卻不以為然，更說之前行性感是因為演出，絕不是改走性感路線。鄭融此時也幫口道：「我唔明點解要有路線，好似我咁無路線最好，咩款都得！」
文：名人組