張學友昨日在文化中心為10月2日假紅館舉行的文藝晚會進行綵排，屆時他將會跟香港兒童交響樂團及五百位小朋友合作演出，而曾經參與北京奧運演出的楊沛宜亦會在旁朗誦，學友說：「見到今日咁多小朋友都好專業，彈奏樂器好有水準，（你兩個女有冇天分？）我有畀佢哋學琴，我都想佢哋好似班小朋友咁叻，不過唔得啦，冇天分，理想同現實始終有距離。」
歌神激到嬲
身為樂壇歌神的學友，自爆在家練歌時竟然被女兒「封嘴」，他說：「佢覺得我好嘈，走埋嚟掩住我個口，我嬲呀，不過冇辦法啦！」他笑言女兒只會為逃避做功課而偷偷睇他練歌，十分有趣。
三天王同場
另外，文藝晚會上，除黎明之外，三大天王將會輪流演出，其中郭富城會率領六十名dancers勁歌熱舞，而李克勤、謝天華、草蜢及鄭欣宜亦會分別擔綱演出，可謂星光熠熠，對於三大天王同場，學友說：「我淨係知道我嗰part點，唔清楚當晚仲有咩其他表演。」
文：音樂組