Jade將於下月下嫁金融才俊Jonas，在巴峇舉行三百萬豪華婚禮，不過早前當地卻發生地震，令一對準新人憂心忡忡，日前記者在銅鑼灣某日本料理店碰見雙J與兩友人飯局，似乎是商討婚禮的籌備細節，四人談到晚上近十一時才離去。

唔拖手齋傾偈

即將升呢做闊太的Jade，手上戴了鑽鏈和卡地亞手鈪，富貴逼人，不過雙J表現低調，雖然邊行邊傾卻沒有拖手，當Jonas發現記者時即飛身彈開，還急步落樓取車，而Jade為掩護未婚夫速逃，惟有獨自留下應付記者。問她婚禮籌備的進度和何時派帖時，Jade說：「乜都未搞。」不過，當她落到樓下遇到本報另一位守候的記者時卻回答說：「搞掂晒喇！」同一條問題竟有兩個答案，似乎Jade全心護夫，心不在焉致前言不對後語。

關心妍與未婚夫未發現記者時，並肩親密而行。

關心妍（左）獨自應付記者期間樣子尷尬。

全車至愛公仔

不過，新婚在即的Jade全程笑容滿臉，身為Melody公仔狂迷的她，不但在手提電話上掛了至愛，記者更發現Jonas的座駕車頭都有一隻Melody吊飾，連後座都有一個Melody的「好友」Kuromi咕，看來Jonas對Jade絕對是「愛屋及烏」。此外，Jade昨日更新網誌，上載了出外登台時歎世界的相片，開心說：「去工作去到好似玩咁，真係有天父嘅安排。」

文：音樂組