徐子珊和胡杏兒等前晚出席一綜藝晚會。剛出新碟的子珊表示：「因為我出碟當日家人唔喺香港，早幾日佢哋返嚟話啲親戚朋友個個都要我隻碟，差唔多要成一百隻，為咗多謝支持，我決定自己掏腰包送畀佢哋。」她又稱近日為出席活動，單是買鞋已花去她六位數，笑言整季都不用再買鞋。
當晚子珊演出新歌《Hit Me》時大跳性感熱舞，因場內觀眾大多是老人，問到可覺得不合適跳性感熱舞？她說：「首歌係大會揀嘅，所以之後都唱番首《甜蜜蜜》。」另外，有報道指杏兒是慳妹一名，杏兒謂：「咁節儉都係一種美德。（黃宗澤鍾意你節儉？）我唔知噃，你哋問番佢啦。不過慳家係優點，應該好多男士鍾意。」
