楊千嬅、袁潔瑩（Fennie）及同性好友阮嘉欣昨日出席「為你喝采三十年——陳百強珍藏展」活動，又邀請到陳百強的爸爸、陳寶珠及多位家人主持開幕儀式。
當老公係偶像
而自細是陳百強（Danny）忠實歌迷的千嬅笑言，學生時代曾經詐肚痛走堂去追星，又跟偶像愛上紫色及飲香檳，入行後亦會不停追問前經理人黃栢高有關Danny生前的趣事，可謂影響深遠。
問到她有否影響老公丁子高（Real）都愛上Danny，千嬅說：「佢都要接受埋㗎喎，不過佢就比較鍾意張學友同黎明，但丁生從來都冇聽過我嘅歌，（聽你講嘢都夠啦！）淨係望住我睇電視就夠喇！」千嬅說畢都不禁打冷震，她笑言自細就視Danny為理想對象，希望將來老公都可以跟Danny一樣文質彬彬，不過現時的正印老公是Real時，千嬅說：「丁生對眼細細地，都幾似Danny呀，哈哈！」新婚的她果然甜蜜，連非常肉麻的說話都可以出口。
展示珍貴遺物
昨日Danny爸爸特別提供愛子的遺物作展覽，包括出世紙、日用品、獎座及唱片等，非常珍貴，寶珠姐坦言睹物思人，對Danny非常掛念，她大讚Danny為人親切，小時候最愛欣賞她的演出，而Fennie坦言面對Danny有種心跳的感覺，又曾經因為太迷戀Danny而令男朋友呷醋。
採訪：音樂組