Fiona、周柏豪、鍾舒漫、許志安、鄧紫棋等前晚出席音樂會，最近發生「走陰」事件的Fiona改以長褲長boot密實上陣，在台上勁歌熱舞，表現得揮灑自如。問到Fiona是否擔心「走陰」事件再次發生而密實上陣？她說：「係呀，不過我唔係驚咗短褲呢樣嘢，只係件事啱啱發生完，如果我再着得好暴露咁，會畀人感覺我係刻意賣弄，所以今日長褲長boot，全身淨係露隻手臂出嚟。」

許志安月內減去十三磅，他表示不能接受蘇永康比自己還瘦。	鍾舒漫工作繁重又要出碟，弄致壓力很大。	鄧紫棋落力演出，七情上面。

為歌迷善心驕傲

此外，Fiona和周柏豪獲委任為「不賭之星」，兩人出席「做個不賭快樂人」活動，兩人異口同聲表示小賭怡情，身為教徒的Fiona甚少賭錢，她說：「最多新年同朋友玩吓，或跟同事夾錢買吓六合彩，不過我有個定律無論贏幾多，都捐一半做善事。」最令她引以為傲的是曾有歌迷中六合彩二獎，歌迷將五十多萬彩金全數捐去台灣賑災。

周柏豪不愛賭錢，因為輸錢令他好「肉赤」。曾有朋友沉迷賭博，欠下銀行巨債向他借錢，他說：「我借咗五位數畀佢，相信佢真心戒賭。」

採訪：音樂組