前晚Gaile擔任Gioiello Italiano意大利珠寶薈萃模特兒，戴上百萬鑽飾的她直言很喜愛首飾，無論平貴都喜歡，她說︰「潮流興乜就會買乜。（老公有冇買畀你？）佢好少，我鍾意自己買畀自己，而我間中都會買畀佢。（屋企有幾多收藏？）有幾多自己都唔係好知，最多係耳環，因為我通常唔見晒啲戒指，每次做嘢除低就唔記得攞番！（咁結婚戒指呢？）所以我咪唔戴囉！（係咪放喺保險箱？）唔係！我有時出街都會戴，不過係工作以外嘅時間，所以你哋見唔到。（結婚戒指有幾多卡？）唔講你知，因為唔想用嚟討論呀！」

收香水一樣驚喜

至於黎明曾否給她送上驚喜？她笑說：「佢喺飛機度買duty free香水送畀我，個空姐叫佢買咪買囉！」

另外，Janice Man（文詠珊）前晚孖同公司的新人李治廷出席I.T為日本潮店NOWHERE在港開設全球海外首間專門店的開幕派對，同場還有梁漢文、鄧麗欣、余文樂、林海峰及沈嘉偉等。

JM現正努力賺錢，希望盡快買樓，讓愛犬有更多活動空間。	JM穿上闊袖tee出席活動。	JM孖同公司的新人李治廷出席潮店開幕。

視老闆豪宅目標

穿上tee出席活動的JM百密一疏，闊大的袖口露出內裏的「缽仔糕」，她自言希望可以盡快買樓：「但仲想儲多啲錢，可以有錢去旅行同置裝，依家距離買樓目標仲有一段距離，要再努力啲賺錢。」她心目中的理想居所並非要自己鍾意，最緊要是愛犬喜歡，她一直視愛犬為BB，說屋企人都會以這BB為先，所以買樓一定要揀有花園，讓狗仔可以四圍走，她視老闆黎明的豪宅為奮鬥目標。

文︰名人組