江若琳（Elanne）、衞蘭及官恩娜昨日擔任麥當勞的歌唱比賽評判，喜愛小朋友的Elanne相信要十年後才會生BB，更估計自己將來定是位嚴母：「因為我管教屋企隻狗仔都好嚴格，同埋我唔會畀我啲小朋友成日對住部電腦，我怕佢哋好似我細佬咁內向，變『宅男』。」
日前Elanne和彭順及彭發出席活動，問她可有打聽彭順和女友李心潔明年初奉子成婚的傳聞，她坦言：「我有同彭發八卦過，但連佢細佬都唔知。」昨日身在印度的李心潔透過助手否認大肚及結婚，亦沒有推片約，助手說：「心潔同一位攝影師朋友喺印度影相，因心潔打算出書。」彭順力斥傳聞是「流料」，他反問：「大住個肚又點會去印度呀？」他稱現時正忙於趕《風雲2》後期，無暇理其他事。