本文重點
訪問日本潮模藤井莉娜（Lena），事前要經她的日本經理人公司審閱問題，且限制多多，包括她面上兩顆痣不能提問，至於有關o靚模周秀娜的問題，經其經理人再三密斟兩分鐘後，終網開一面，不過亦只是聊聊幾句客套說話。Lena說：「佢（周秀娜）好似baby一樣，好可愛，很甜美，我仲收到佢送畀我的首飾盒禮物。」
想來港發展
至於對香港的印象，Lena則滔滔不絕，對港女讚口不絕：「香港女仔樣靚、腳長，又識得打扮，香港人打扮好新潮好好睇，我今次都好想花多啲時間喺香港。我着衫一向都好多顏色。」原來Lena讀中學時期，已曾到香港旅遊，直言好想來港發展。她亦分享保持性感的心得，她表示電曲一頭長髮、保養好皮膚和多吃肉就可以。不過，做潮模真係咁易？