一個是日本潮模，一個只是香港剛上位的o靚模，待遇顯然無得比，在日本經理人心目中，Lena集萬千寵愛在一身，前晚她來港出席鞋履品牌TITIKAKA主持秋冬發布會，同場還有莊思敏、o靚模陳嘉寶和Evelyn等。Lena未到場前，其日本經理人已要求店內的傳媒齊集店門外，列隊歡迎Lena蒞臨，不過最終被傳媒婉拒。

出場擺足姿態

Lena在五時半到場後，於布景板前簽名和拍照，只短短十秒，身邊的經理人以Lena疲倦和要補妝為由，安排她到二樓休息，直至六時許Lena才再度現身，不過現身前，其日本經理人公司職員要求所有人「靠邊站」，騰出更大的空間讓Lena出場，頭上結上巨型蝴蝶結的Lena，笑容滿面地再度出場，又向傳媒揮手及擺出Ｖ字手勢。

此時大會着台下的周秀娜上台，周秀娜上台後，隨即用日語與Lena作自我介紹，但未等她說完，Lena一名束馬尾的日本經理人公司職員，即用英語說：「Later,Later。」隨即催促周秀娜落台，惟周秀娜未為所動，堅持站在台上。

在頭上結上蝴蝶結的藤井莉娜，擺出招牌甜美笑容。	藤井莉娜展示勝利Ｖ手勢。	周秀娜與o靚模陳嘉寶（左）和Evelyn合照，惟三人毫無交流。

「阿Ｑ」唔認尷

「馬尾職員」見周秀娜話唔聽，最後用一束鮮花放在Lena和周秀娜中間隔開兩人，令兩人合照變得極為趣怪，場面尷尬非常。

周秀娜無癮下台後，一臉不悅，反問工作人員：「發生咩事？」事後工作人員表示Lena和周秀娜公司也知道兩人會同台，相信只是該位日本職員不知情，過分緊張所致。

對於被逐下台，周秀娜仍然阿Ｑ精神，她說：「有時難免會有啲咁嘅情況發生，係一場誤會，我覺得佢笑容好甜，有機會想同佢合作，我用日文同佢講你好嗎，同介紹自己個名，佢反問我係咪日本人添！」對有傳其日本經理人陳方藤向她展開追求，她否認其事。

採訪：名人組