同事鄧麗欣

希望佢經一事長一智，飲酒好傷身，我無試過飲醉，唔會嘔唔會出咩洋相，因為我見過人哋又嘔又叫好核突。

前緋聞女友楊千嬅

我即刻用SMS鬧爆佢啦，咁大個人，玩還玩要有底線，唔好傷害到自己身體吖嘛，飲酒要有節制，佢話對唔住囉，我話唔係對唔住我，係對唔住你自己。

過氣緋聞女友衞蘭

我暫時未打電話畀佢，希望件事快啲過去，（你有冇見過側田除帽？）未見過，（想唔想睇？）呀…唔識答，我會send sms問候佢。

同事唐素琪

未試過同側田飲酒，但相信佢會好照顧身邊嘅朋友。我自己酒量唔錯，即使醉咗都唔會亂說話。

老友林海峰

佢哋少少碰撞啫，每日灣仔、尖沙咀都會有呢啲事發生！（在Talkshow可會加插這個全城熱話？）會，用晒成個騷嚟講，我做埋修路工人添。

好友雷頌德

我鬧得側田好甘，我睇完條片成個人滾咗，想搵曹格電話鬧佢一餐，不過睇完記者會見佢真心悔意就冇咁嬲。側田打畀我講對唔住，話會180度改變自己生活，我希望佢哋戒酒。

過氣同事古巨基

有致電畀阿田，可能佢太忙冇聽，SMS畀佢，回覆話多謝關心。至於曹格決意接受戒酒治療，大家應畀機會佢。