詩雅簽約英皇娛樂後機會不絕，除擔綱演出電影《很想和你在一起》後，最近她更隻身飛往北京，為夏永康新片《熱辣辣》開工。原來年前她曾到北京求學，難怪今次趁公餘時間，她亦抽時間到學校附近遊覽。

每晚朗讀文章

對於自己的普通話水平未達導演要求，詩雅直言：「其實出發之前，我咁啱有機會同當年嘅普通話老師飯敍，對方仲讚我講得唔錯，點知去到就出事！同內地人拍戲時，自己嘅口音『零舍唔同』，劇組本身諗住再配音，但我覺得有埋聲演效果會好好多，所以堅持叫佢哋盡量收音。」為改善普通話毛病，詩雅返港後，堅持每晚以普通話朗讀一篇文章。

詩雅不諱言對普通話情有獨鍾，原因是她希望開拓內地市場。她謂：「我最終目標係開拓內地市場。（唔想進軍荷里活咩？）咁內地點都會係我嘅事業中途站，其實除咗普通話外，我對功夫、耍劍等國粹都好有興趣。」

家輝嘲冇大志

早前詩雅偕老闆楊受成及張家輝到內地出席「華表獎」盛會，與周迅、周潤發及舒淇等同場，令她興奮不已，更衝口而出說：「如果出年能夠有機會再嚟就好嘞！」卻遭家輝等揶揄她沒大志，糾正她應該說希望明年有作品參賽。

縱使演技備受讚賞，但詩雅竟說：「入得呢行個個都係靚仔靚女，我唔覺得自己特別標青，所以一定要勤力同爭氣。」故此，她很想與黎耀祥及廖啟智等實力派合作，從中偷師。

文：影視組 攝：李柏儒 場地：Termini Cafe