伍詠薇在新劇中飾演典型「港女」，現實中伍姑娘與老公感情十年如一日，她深深體會香港男女之間經常互相嫌棄，就是因為少了一分「尊重」。
伍姑娘在《有營煮婦》飾演一個自以為天生麗質的失婚婦人、年屆四十五仍以為自己好正，她笑言接拍初時心裏有點掙扎：「我四十歲要我做四十五歲喎，又唔同二十扮廿五，三十扮卅五嗰種，好多人都驚返唔到轉頭，但係個角色好好玩，（有冇難度？）最辛苦係忍笑，因為啲對手唔係禿頭就係大肚腩。」
更新觀念
與老公練海棠剛過了結婚十周年紀念，伍姑娘經常拿自己有過兩段婚姻來「認威」，她笑謂身邊也有很多如其所演角色般的「港女」朋友：「明明樣子一般、唔靚又唔認，不過呢啲朋友唔係深交，唔會指正佢，有少少口德好啲，其實我想公告姊妹們，大家要因應時代嚟Update自己對婚姻嘅觀念，結婚係搵個終身伴侶，大家要忘記個結果，盡量去追求過程。」
相敬如賓
伍姑娘覺得現代女性小器，又愛斤斤計較，這都令她接受不來：「依家男女之間就係唔夠包容，成日互藐，唔一定夫妻嘅，朋友、家人都好，相敬如賓好重要，我哥哥、老公幫我做嘢，我都會講聲唔該，尊重應該不分同性或異性。」
文：影視組 攝：司徒國榮 場地：ARIA 髮型：George Shum@HAIR