賈思樂（Louie）近日為「賈思樂弦續友情30載演唱會」積極備戰，跑步練氣之餘，又密鑼緊鼓練歌。他說：「今次搞concert冇之前咁緊張，可能準備工夫做得足啦。我仲預備咗首新歌送畀歌迷，唯一考起我嘅係記歌詞。」
Louie又透露正游說多年拍檔露雲娜擔任個唱嘉賓：「年輕一代可能唔知，我同露雲娜係當年有名嘅『金童玉女』，我好想請佢做我個唱嘉賓，作為入行30年紀念。舊年我喺機場見番露雲娜，嗰時我咁啱着手籌備呢次演唱會，所以即場邀請佢做我嘉賓，但佢話要考慮。我相信好多觀眾都想再睇到佢嘅風采，所以我會繼續努力游說。」
