李司棋和鍾景輝主演的劇集《有營煮婦》吸引不少家庭主婦捧場，一向以師徒相稱的他們首次扮演夫婦，司棋姐跟師傅做對手戲，坦言壓力並不少，但又給她一種新鮮感覺。她說：「套劇係一套溫馨的家庭小品，又會講唔同年代對女性嘅睇法，所以我都好有信心觀眾會鍾意睇。」
對於鍾景輝，司棋姐大讚「好老師」：「初初響舞台劇交手，今次第一次同佢正式喺劇集中合作，雖然我哋好少對手戲，不過佢教識我好多嘢，依家仲由老師變為老公，心情當然有不同。」問到拍攝時的難忘事，司棋姐坦言有幕跳舞唱情歌嘅戲最難忘，更大爆兩人有不少床戲。她笑說：「劇入面我哋有好多床戲㗎，不過大家唔好誤會，我哋只係床上罵戰，唔係床上情慾戲。」鍾景輝亦相當高興可以跟司棋姐合作，更盛讚對方演技一流。