走創作路線的Chita，在《勁歌金曲》優秀選中，憑實力奪得「新人薦場飆星獎」，由於是她入行以來首個獎項，心情難免激動，開心透的Chita忍不住在後台灑淚。Chita表示：「真係好驚喜，因為事前唔知會攞獎，得獎嗰刻睇到專程由澳門嚟捧場嘅父母，同埋一直支持我嘅fans時，心情真係好激動，我返到後台忍唔住喊，好在冇人影到相，否則醜死鬼。」

猶如打強心針

Chita覺得今次得獎，全靠唱片公司栽培及fans鼓勵，還有一班幕後工作夥伴，故她打算擇日請所有為她付出過努力的好友食飯，大家盡興一晚。

問到Chita下一個目標？她稱希望在年底的頒獎禮上再奪新人及歌曲獎，而終極目標就是在紅館開個唱，她說：「其實我個人冇乜自信心，但得獎後，我有充滿力量嘅感覺，好似打咗支強心針咁，我深信呢個願望唔係奢望囉，會有機會達成。」

望與曹格合作

Chita最近忙於宣傳派台新歌《願望樹下》，她說創作這首歌最難忘是要在一晚填好歌詞，皆因這歌的曲是她較早期的作品，有日唱片公司覺得這歌很配合推出的《南華夢飛翔》電視電影，下令Chita要一晚之內「嘔」出歌詞，幸好Chita不負公司厚望如期交歌，她表示：「我捱咗一晚『通頂』，好在公司都覺得滿意。」她又期望能和再來港開演唱會的曹格合作，因兩人同是創作歌手，相信會特別啱key。

文：音樂組