近年一直為工作忙個不停的王祖藍，由於長期以來欠缺休息，所以經常有失眠及胃痛等問題。為了讓自己能「停一停、抖一抖」，祖藍特意安排半個月大假給自己，並大破慳囊請全家去泰國旅行。
祖藍表示：「今次呢個trip真係好正，所有人玩得好開心！我最enjoy可以瞓喺個swimming pool ball（泳池波波）上面曬太陽，好搞鬼！」祖藍又指由於受胃痛困擾長達數個月，所以早前專誠入院檢查身體：「我想自己有個健康嘅身心迎接之後嘅工作嘛。其實除咗個胃有事，我不嬲瞓覺都唔係幾好，成日好似抖唔到氣咁，所以呢次順便做埋睡眠窒息症嘅檢查。」
