梁嘉琪除了愛吃，原來亦愛煮。為了慶祝中秋節，嘉琪近日特意拜師學整冰皮月餅，而且還豪擲四位數買材料，務求身邊所有朋友都能得到她親手炮製的「愛心」月餅，認真唔話得。
本身是愛家之人的梁嘉琪，為了將來能成為「入得廚房、出得廳堂」的好妻子，近日積極苦心鑽研廚藝，而她的「下廚」第一擊，竟然是冰皮月餅。
準備卡通餅模
問嘉琪為何對冰皮月餅如此有興趣時，她表示：「就嚟中秋節吖嘛，我梗係要應節啦！但我又想送得嚟有心思啲，所以咪去學整冰皮月餅囉，因為聽人講話好易整。」問到嘉琪近日是否遇上心儀對象所以激發起學廚藝意欲時，她即笑謂：「咪玩啦！因為呢幾年有好多人無條件咁幫過我，我想親手做番啲嘢多謝佢哋。」為了做到「人人有份、永不落空」，嘉琪一口氣花掉四位數買材料，更買了「Hello Kitty」及「加菲貓」等餅模，非常認真。
製作過程困難
問到嘉琪製作冰皮月餅過程是否如傳聞中的容易時，她即大吐苦水表示：「最難係要整得靚囉，雖然有成個模畀我照住整，但個問題係力水一唔啱，個冰皮月餅就會變得好核突。由於有啲真係唔見得人，我惟有食晒佢哋落肚，我今年咁就食咗成十幾個冰皮月餅喇，哈哈！」
文、攝：專案組