「翻版關之琳」Jocelyn與老公Anthony，為尼泊爾街童籌募經費興建學校，發起了名為《Barbie Dream House》的義賣活動籌款。童心未泯的Jocelyn，笑謂小時最愛收集Barbie公仔：「我咩款嘅Barbie都有，而且仲有一間大屋、馬仔同車，真係好開心㗎。呢個係我好重要嘅童年回憶，希望將來可以成套留畀我啲仔女。」

Jocelyn與Anthony去年曾到訪尼泊爾，被當地風土深深吸引。	站在巨型Barbie旁，Jocelyn與Anthony即變小fans。	Anthony孖Jocelyn及尼泊爾籍好友創立基金，為尼國貧童出力。

暫無意生B

雖然已視Barbie為重要「資產」，但Jocelyn還是樂意忍痛將部分捐出來幫助尼泊爾街童，Anthony補充謂：「嗰度啲細路仔好慘，佢哋完全唔知玩具係乜，最多都只係將自己啲襪捲埋一舊，然後拋嚟拋去當玩具，所以我希望大家捐錢之餘，可以將自己屋企啲舊玩具捐出嚟，等佢哋感受一下童真。」不過問到二人何時生BB時，Jocelyn卻依然推說要等四、五年：「哎呀！湊BB無得瞓好辛苦，過多幾年二人世界先啦！」

基金有寓意

問到二人為何如此熱衷做善事時，Anthony直指是受尼泊爾籍好友Santosh Koirala啟發：「佢話畀我知，尼泊爾有一半人係文盲，佢為咗幫啲小朋友，將全部賺返嚟嘅錢都用嚟起學校，我好佩服佢嗰種願意為別人犧牲自己嘅精神。」問到三人為何將基金命名為「Moonlight Foundation Nepal（MFN）」時，他們異口同聲說：「因為覺得尼泊爾依家睇落去好似一塊冇乜希望嘅土地，我哋希望盡所有嘅能力，將光明投放到佢哋嘅人生！」

文：專案組

攝：馬永堅 場地：又一城