土炮時裝設計師陳刀，曾為衞蘭和李卓庭等歌手設計形象，他設計過時裝、眼鏡，又曾推出過愛情小說，在書展與眾G模硬撼。早前陳刀向高難度挑戰，設計自家品牌手錶，他說：「今次係我第一次設計手錶，其實有啲難度，因為得個錶面同錶帶可以玩，今年興閃令令嘅嘢，最正係閃石錶面撞塑膠錶帶，條錶帶設計到好似鋼帶咁，玩味十足，我想做到莊諧並重，去唔同場合都啱戴。」陳刀透露其中一隻手錶，是專為方便右手戴錶人士而設，認真有心思。