英皇女歌手鍾舒漫（Sherman）新歌《給自己的信》大獲好評，更登上電台流行榜冠軍寶座，令Sherman大感興奮。雖然事業發展理想，但愛情方面仍是交白卷，Sherman不諱言「恨」拍拖，但擇偶條件必須顧家兼有責任感，她最討厭吊兒郎當的男生。
鍾舒漫的第4張專輯快將面世，今次Sherman參與不少幕後創作，問到是否向音樂才女方面發展？她說：「唔想特登話畀人聽我做才女，但我係鍾意寫歌。」
改變唱腔
談到新歌《給自己的信》成績，令伊人喜出望外，她說：「估唔到外界反應咁好，今次唱腔變咗，錄嗰時好感動，但就冇流眼淚。」
Sherman出道已有3年光景，她說：「我諗我仲係好新嘅歌手，依家努力學習當升班。」Sherman形象向以野性見稱，她說：「唔係着少啲衫，玩低胸露膊就叫性感，有啲人係騷在骨子裏。（學緊？）我好粗魯，比較男仔頭。」
唔玩高調
Sherman事業發展不俗，令她注下強心針，但愛情方面則交白卷，問到是否「恨」拍拖？她說：「有嘅話都無妨，（公開？）唔刻意同人講話自己拍緊拖，當然有人問到就會講，女仔始終係『恨』拍拖，但我依家真係冇拍拖，（揀圈外定圈內人做男友？）冇局限自己，我擇偶最緊要有責任感同顧家，唔鍾意吊兒郎當。（努力搵？）唔會刻意去搵，順其自然啦。」
採訪：專案組
攝影：吳文聰
場地：Chin. G