昨日永安百貨舉行「European Festival Opening Ceremony and Fashion Show」，大會特別邀請Lisa S.、姚予晴（前名姚書軼）及楊崢等「熟」模行show。其中久未露面的Lisa自言已過「退休」生活：「我依家好懶，係時候停止工作，（男友想同你結婚？）唔係，只係我已經儲到好多錢，屋企又有錢冇經濟負擔，可以享受吓生活。」

拒秘密結婚

問到何以突然有退休念頭？她續說：「我半年前已經厭倦做model，厭倦同傳媒打交道，因為我唔係巨星，我只係old woman，但傳媒鍾意將model塑造成為明星。（因為o靚模？）唔係，我又唔着三點式，又唔講中文，所以o靚模影響唔到我，（莊思敏好嬲啲o靚模？）我唔會妒忌人，每個人都係努力工作賺錢。」Lisa又自言香港近幾年都是出產「鬼妹」model，現在有本地新血也是好事來的。

問到她可會學好友樂基兒秘密結婚？她即笑說：「我好大口，守唔到秘密，所以唔會秘密結婚，而且我同男友一齊咁多年，就算結婚大家都唔會驚訝！」

文：名人組