古巨基、何韻詩和Rubberband等，前晚出席《勁歌金曲》錄影，基仔的《地球很危險》更成為他加盟英皇後首隻冠軍歌曲。基仔興奮說：「攞第一首冠軍歌當然好開心啦！（為頒獎禮打下強心針？）加盟英皇之後，第一首冠軍歌意義重大，我對首歌有信心，不過唔可以話打乜強心針。」
娛圈唔興歡送會
有指金牌沒有為楊愛瑾舉行歡送會，而被指無情。基仔揚言娛樂圈沒有這習俗，公司為離開的同事舉行歡送會反而給人奇怪的感覺。他說：「我走嘅時候公司都冇歡送會，但我支持佢，佢之前幫我演出過音樂電影，係個勤力嘅藝人，希望各人順順利利。」
練氣驅牛鬼蛇神
將於下月紅館開演唱會的何韻詩（何詩），近日有傳其演唱會門票滯銷。何詩即否認道：「個報道唔係真，唔使花時間理會，如果真係報道所講就唔會加場，傳聞打擊唔到我，近排要練氣，側邊啲牛鬼蛇神埋唔到身。」近日何詩忙着綵排，令肩膊勞損，要四處向朋友借泳池游水治療。她笑言甚麼款式的泳衣都有穿，但總是吸引不到別人的目光。另外，何詩未能入圍優秀選，坦言不會感到失望，因為可以跟汪明荃合作拍劇，笑稱別人拍劇換獎，自己則將獎項換劇拍。
文：影視組