鄧紫棋（G.E.M.）到新城宣傳新歌《Game Over》，這首歌音樂較輕快，但G.E.M.表示不會跳舞：「早排有上台風堂，都練大咗個膽，但係跳舞就可能會遲啲先。」
十月推出的大碟限量版將加送寫真集，G.E.M.笑言：「其實只係普通生活照，可能會有一張泳衣照，但唔會係Bikini。」
問到與William的緋聞，G.E.M.笑言：「William叫我唔好再講㗎！（佢驚人嬲？）佢依家喺香港無王管，唔知佢驚邊個啦！死啦，實畀佢斬開幾碌。」
剛成年的G.E.M.表示一直恨拍拖，結婚更一定公開：「想結咗婚之後，都一直唱歌。最好生一男一女，哥哥錫細妹就最perfect。」
