《2009亞洲小姐競選港澳賽區八強選拔賽》，昨日在大埔亞視總台舉行，一身低Ｖ打扮的張文慈（Pinky）及着短裙的姚佳雯負責向被淘汰佳麗獻花，Pinky說：「今日睇啲佳麗有幾位進步咗，但有新聞嗰啲唔係我心水，（唔鍾意被指整容佳麗？）整唔整唔緊要，最緊要順眼，我都想打botox瘦面，點知原來我嗰啲係脂肪，冇得瘦。（點解要淘汰鍾維？）佢臨場表現跌watt，精神狀態一落千丈，佢係我最唔想out嘅一位。」

(3)莫曉菲順利過關進入決賽。	(9)鍾維精神欠佳，表現失準，冇得玩。	右起：魏萱嬅、陸瑞汶、鍾維、張堯英齊齊被淘汰。

冇得留低有因

姚佳雯則說：「我情願嗰紮花畀我，（四位被淘汰嘅佳麗都係你心水？）唔可以咁講，鍾維就已經唔係，不過佢今日表現失準，冇乜精神，魏萱嬅都好靚，我哋做評判好難做決定。」

鍾維被淘汰後，大方表示：「唔失望、唔驚訝，輸一定有原因，可能太攰，唔夠瞓，與其用舞台上一剎那去決定有冇得留低，我覺得應該睇長啲時間。我唔會再選美，今次已經圓咗心願，唔論輸贏，都已經完結咗。（年紀大輸蝕？）都有大過我嘅佳麗入八強，可能我唔係大會需要嘅味道。」

張文慈性感現身，為被淘汰的佳麗獻花。

八位獲進身亞姐決賽的佳麗。

王希瑤認負面

陳意婷台上台下連番落淚，她說：「我同張堯英、陸瑞汶好好朋友，唔捨得，我會繼續努力選落去，延續佢兩個嘅精神。」楊凌智則說：「諗到可能要同佳麗分開，唔捨得就想喊。」

至於新聞多多的王希瑤則說：「我覺得我應該係被淘汰嗰個，新聞寫到我咁，（係你做到咁！）我唔知你講乜。」

文：影視組