王淑玲：「自從舞台劇版《志雲飯局》之後我哋冇見過面，其實我哋都唔係好熟，覺得佢哋都係玩吓，年輕人唔使咁認真。（對側田會否感到失望？）唔會，自己唔知來龍去脈，唔知講乜。」

文頌嫻：「我同側田完全唔熟，只係志偉嘅生日會見過佢，嗰晚佢有飲酒，不過佢好靜，無醉酒或上身嘅情況出現。」

黃欣：「晏啲傳個短訊畀佢，唔會咁八啩，等佢自己交代件事。少飲為妙，咁大個人唔會勸，識控制自己，佢識處理同取捨。」