曹格與側田打鬥事件發生翌日，曹格下午接受新城電台錄音訪問，大談昔日打架史，直認從前喜愛打架，而且脾氣差，不過已經過去。
曹格憶述於新西蘭生活日子時說：「嗰度係我學壞嘅地方，一開學就打咗四次架，當時15歲乜都唔驚，唔知死、唔怕死，屋企又冇人理，成日自己飛來飛去，覺得與其畀人蝦，不如打咗你先，等人知道呢個中國人唔係咁易蝦。」
童年經歷影響
受童年經歷影響的曹格惟望大眾給予機會，他說：「以前嘅曹格唔係今日嘅曹格，聽日嘅曹格亦唔係今日嘅曹格。」問到如何教育囝囝？曹格表示會讓囝囝擔任自己成長的導師：「冇畀人打過唔知驚，自己先係自己最好嘅老師。」
