本文重點
謝安琪（Kay）昨日帶備月餅及水果到電台為連續劇《有房出租》探班，劇中演員官恩娜（Ella）、周柏豪、姜大偉及唐寧等齊齊食月餅，提早賀中秋，Kay表示非常榮幸為劇集唱主題曲，雖然今次未有機會客串演出，但亦有興趣嘗試拍劇，Kay說：「好多電視前輩都好欣賞，自己最想同阿姐汪明荃合作，向佢學嘢！」
為老孫祈禱
對於好友孫耀威（Eric）因聲帶問題而暫停歌唱事業，Kay說：「我好擔心佢，見到佢錄音工作要腰斬，明顯憔悴咗好多，好心噏，我自己爆過肺，唱歌條氣唔好，好明白佢感受。」她表示會為Eric祈禱，希望又靚仔又有才華的他盡快復出。
另外，Ella透露中秋節將要繼續開工拍攝，未能跟男朋友人月兩團圓，她說：「我冇乜所謂，不嬲都唔係好跟足傳統，做嘢仲開心啦，最怕冇工開啫！」Ella透露劇中將跟柏豪發生一夜情，但她相信不會有大膽的鏡頭。
採訪：音樂組