有指張栢芝有喜，家輝說：「如果係真會恭喜對方，但未見到霆鋒，見到都唔會問，我唔八卦！（幫記者問嘛？）問咗都唔會講！咁咪做二五仔，我最快都要下個月先見到佢，到時大家可能知道晒！」問今次有否加片酬，他坦言加幅滿意，但沒有甄子丹那麼多。此外，有指不少已婚男藝人出外「鬼混」，家輝坦言：「去呢啲地方好閒，夜場唔一定色情，之前我喺內地畀人捉過，當時啲記者問啲女仔我嘅表現，佢哋話我黑口黑面，自己唔係扮乖，無時無刻都想『鬼混』、『伊挹』。」問他有否向老婆備案，他坦言獲老婆百分百信任，更謂：「真係去佢都未必信！」

張家輝與老闆楊受成相見歡。	江若琳常戴隱形眼鏡瞓覺，致左眼發炎。	陳偉霆與鄭希怡出席晚宴。

江若琳眼發炎

另外，擔任表演嘉賓的Yumiko及William坦言很緊張，皆因現場不少導演，Yumiko表示未知會否跳舞，但已做足防走光，而William亦謂見到大舞台都有點怯場。

江若琳則表示左眼發炎，由於剛剛落機，故未有時間趕去看醫生，她說：「可能我成日戴隱形眼鏡瞓着覺，所以搞到發炎，一陣完騷會去睇醫生。」問她會否做眼部矯視手術，她說近視不是太深，沒考慮做手術。

文：影視組