泳兒昨日與劉美君出席新城音樂會記者會，自爆前日戴帽及黑超去餐廳飲嘢，怎知鄰座的中學生突然對她說要去廁所，叫她代看管手提電腦，泳兒說：「可能我都係學生look，佢認唔到我啦。（有冇唔開心？）平時出街唔化妝都冇乜人認得，其實都幾開心，好自由。」
此外，泳兒透露音樂會當晚將揀唱劉美君的金曲《最後一夜》，不怕有比較，還向前輩大笠高帽：「我一定輸，美君姐姐一定好過我，唱完要問佢攞意見。」而劉美君主演的《我不賣身 我賣子宮》有份角逐福岡國際電影節，她將於日內起程，但仍為戰衣煩惱：「仲未揀到衫，會密實得嚟性感，型仔啲。（咁咪畀人搶晒鏡？）我都唔識搶鏡。」
