又成功減去一磅的陳慧琳（Kelly），尚差七磅便回復苗條身材，昨晚她穿上紫色束腰連身裙出席活動，同場還有馬詩慧。Kelly笑言減肥令她感到很大壓力，不過一提起「蝦餃仔」劉昇，即母愛氾濫，直言希望以「蝦餃仔」的名義在內地興建學校，她說：「用陳慧琳助學基金名義喺內地已經起咗三十間學校，都想用蝦餃仔名義起一間小學，不過擔心畀人誤會係一間教人做點心嘅學堂！依家日日對住蝦餃仔，成日幫佢影相，好似狗仔隊咁開快門影，最近我仲親自操刀幫佢影咗好多三點盡露嘅出浴照，想紀錄佢成長過程，但淨係會畀熟人睇。」
Kelly為免兒子到人多的地方，故不打算擺百日宴。另外，她有份灌錄一張呼籲女性勿援交的唱片，歌曲中更有獨唱及大合唱，日前她已收到歌曲。