十二位亞姐候選佳麗昨日被安排做師姐陳煒在去年亞姐總決賽中做過的「吊威吔」動作，並由煒哥選出「演藝活力獎」，結果(5)林紫君得煒哥歡心獲獎，煒哥說：「(1)張加慧、(5)林紫君、(9)鍾維我都鍾意，張加慧第一個出場最大心理壓力，但佢表現絕對ＯＫ，林紫君就夠活力同保持到笑容，有個人特色，鍾維有舞蹈底，動作靚，但有少少脫腳，我覺得個人天分最重要，所以揀咗林紫君，佢幾甜吖。」問到煒哥可覺仝曉燕退選可惜，她笑言：「佢唔覺得可惜就得，人各有志，唔逼得嘅。」

(6)陸瑞汶被吊上半空時嚇到「嘩鬼叫」。	陳煒向在場佳麗分享參選亞姐的經驗。	(5)林紫君獲陳煒頒發「演藝活力獎」。

超短熱褲上陣

其實林紫君獲獎也實至名歸，因不少佳麗被吊高時儀態盡失，(2)王希瑤因畏高嚇到「嘩鬼叫」，有部分佳麗擺不到原定的甫士，只能在半空中「腳撐撐」，其中(6)陸瑞汶則疑熱褲太短，在半空中伸腳時有走光之嫌。

對於獲獎，林紫君坦言感意外，她稱其他佳麗表現都好，但可能自己打開籃球，體力上較優勝。

希望瘦多幾磅

而今次是林紫君繼「慈善之星」獎後再下一城，她承認增強了信心，不過被問到現122磅可想過減肥，她笑說：「依家瘦咗啲，之前冇諗過要減，我打籃球體能、力量好重要，不過相比其他佳麗都覺得自己橫咗，都想瘦啲，希望減12磅啦。」

文：影視組　攝：李廣成