千嬅與丁子高被爆婚訊後，昨日接受本報專訪時笑意盎然地說：「好輕鬆，可以暢所欲言，唔使再避忌。」跟丁子高拍拖兩年半，千嬅承認初期會存有「懷疑」，她說：「大家年齡會唔會有距離難溝通？爹哋媽咪都會問照唔照顧到你㗎？相處咗幾個月好OK，好有默契。」兩人能開花結果，簽紙成為「丁太」的千嬅笑說：「一個人安心就會開心。」

唔敢認男友

過去堅拒承認丁子高男友身份的千嬅說：「男朋友邊有得認？點知係咪最後一個？我一直都話淨係可以認老公，我有老公啦！」她與丁子高一起被形容為「女尊男卑」，令丁子高飽受四方八面抨擊，千嬅說：「唔係事實冇需要介意，使乜理！一個人身家係身外物，最大身家係個腦，佢（指住自己個腦）呢個身家大我好多，EQ又高過我，呢個男人嫁得過。」

千嬅表示丈夫能給她安全感：「對種種負面報道佢都食晒，唔係個個男人有呢個承擔，呢個男人嫁得過。其實我爛蒲過佢，唔定性過佢。佢係早睡早起嘅人，返工從來唔遲到，反而仲成日『哦』我，我有明星慣例遲十五分鐘。佢雖然細過我，但佢好細心，我個人粗枝大葉，又『呢啡』，將來都唔知點住埋一齊。」

已簽紙成為「丁太」展開人生新階段的千嬅笑言：「雙方家長話唔計數，都未過大禮，一定要正正經經擺酒舉行婚禮，但明年婚禮乜都未諗，依家都未同公司度期。」

為老公學廚

不愛煮食的千嬅甘願為老公下廚，她笑說：「佢鍾意食辣嘢，最鍾意食炒蟹，但我一炒蟹就飛晒出街，買咗三千幾蚊嘅煲整煲仔飯佢食，煮咗五、六次畀媽咪爹哋試食，得先整畀佢食。」說罷即甜笑。

文：音樂組

Ling Chan@Zing the Makeup School

Vic Kwan@hair Culture

場地：馬哥孛羅酒店　服裝：I.T