謝婷婷、汪圓圓和陳逸璇前晚擔任時裝品牌Laurel模特兒，示範秋冬新裝，同場嘉賓包括歐陽妙芝、周星馳母親凌寶兒和唐麗球。一身火紅打扮的婷婷比平日成熟，她表示樂於嘗試不同造型，不過自爆男友最愛不施脂粉的她，並說：「我一唔化妝，佢就最鍾意，有時見我皮膚敏感，要塗啲白色藥膏喺塊面度，佢就覺得好cute。」

笑老竇貪有型

婷婷又表示不介意Andy不修邊幅，甚至因太大隻而剪衫袖亦照單全收，更笑言：「唔會好似阿爸咁行出嚟要最型仔，佢係四哥，係唔同啲，落街買罐嘢飲都要扮靚。」問她可有為男友置裝，她說：「都有，我鍾意喺網上買衫，事前show畀佢睇咗先，不過佢成日都話唔啱，話膊頭太窄。」

提到哥哥謝霆鋒上月生日，婷婷表示霆鋒最開心是聽到兒子Lucas向他講生日快樂，她說：「哥哥話Lucas識講好多嘢，平時佢好cool，一講起個仔就好冧，（栢芝點陪佢過生日？）唔知，不過老公生日我諗都有啲特別嘢，（喺香港慶祝？）我真係唔知。」

汪圓圓行騷別具一格。

歐陽妙芝（右）和唐麗球結伴睇時裝騷。

妙芝緊張兒子

此外，育有兩名兒子的妙芝，透露大仔早前患上發燒、喉嚨痛等病症，開學九日都未能上學，直至前日才正式開學，問她會否擔心患豬流感，她說：「之前暑假仔仔參加表演活動，當中有一個小朋友確診咗，所以初初都好驚係，好彩最後證實冇事。」

文：專案組

攝：李廣成