堪輿學家指示

憑《一半海水 一半火焰》為人熟悉的莫小奇，早前打算遵循堪輿學家指示改名，未有知會公司，突然「自把自為」宣布改名莫小棋。由於公司希望她保留原名，喜歡其夠深入民心，小奇惟有站出來笑稱還是叫回莫小奇。

對於擺了一個大烏龍，小奇尷尬回應：「都怪自己口快快講咗出嚟，因為我之前搵人算過個名，佢哋話小棋個名旺我多啲，咁我咪宣布囉。點知公司第二日打開報紙，駭然發現我變咗另一個名，嚇咗一大跳。依家當然我都會聽番公司指示，話晒小奇呢個名真係有親切感多啲嘅，你哋以後都係叫番我小奇啦。」

拔罐排毒瘦身

對事業十分認真的小奇，與張家輝、孟瑤合作拍攝《旺角監獄》前，專誠找來中醫師調理身體，務求在新片中以最佳姿態示人。她說：「因為我皮膚成日敏感，所以我就諗住試吓搵中醫拔罐排毒，估唔到除咗皮膚好咗之外，就連身形都有改善。我喺短短三個月瘦咗十磅，最開心係連背脊都瘦埋，因為背脊肉好難減！依家擺甫士影相，信心都大過以前。」

文：專案組

攝：秦健輝