在戲中扮演精神分裂者的家輝，即使停機也不肯攤抖，他說：「雖然停機可以暫時除低塊板抖吓涼，但係我反而覺得咁樣焗焗哋好舒服喎！我發覺自己近年開始有少少變態，拍戲唔辛苦，我反而冇feel。（拍完點樣慰勞自己？）我想去日本旅行，但係又心大心細，因為跟住又要開《証人》原班人馬嘅一套新片同埋一齣喜劇，我怕去一轉旅行，萬一去完又話豬流感要隔離，咪失晒預算？」

家輝身上綁着鐵板「劈友」。	智叔坦言不在乎獎項，最重要是用心演好戲。	莫小奇（右）與孟瑤均大讚家輝演出專業。

智叔謙稱難搶鏡

出名好戲的智叔大讚家輝的演出專業，他說：「《証人》之後，再同家輝合作，睇得出佢攞完影帝之後對自己要求高咗！我就都係一貫啦，攞獎前後心態都冇乜分別。（打算點樣搶家輝鏡？）搶唔到佢鏡㗎啦，剩係睇吓佢副盔甲就知啦！」

而莫小奇表示很感激家輝鼓勵，她說：「我廣東話唔好，成日ＮＧ，個個都笑我，係得家輝一個會鼓勵我。佢話：『張靜初都係講成咁。』令我有番啲信心，起碼敢去講。」

孟瑤流汗當減肥

另外，戲中會被韋家雄輕薄的孟瑤說：「呢類戲份唔係太多，都唔尷尬，拍果欄都唔算熱，我試過喺內地拍劇成四十度，流汗咪當減肥，減咗成十磅呢！」

文：影視組　攝：林蔚恩