柏豪和Zelia早前接受《娛樂on Show》的訪問，被主持人Angela和陳振安提及近日有關二人被拍到一起食飯撐枱腳一事，有風度的柏豪即大方表示是由自己主動約會對方，他說：「咁Zelia喺香港少朋友，而且我哋又係同一間公司，咁係我約佢食飯嘅，（影到Zelia幫你篤檸檬喎？）咁係因為我由細到大都好憎篤檸檬，所以佢先幫我，冇嘢嘅！」而Zelia亦識做地回應：「因為我唔知邊度有好嘢食，所以柏豪先至帶我去。」

望做創作歌手

柏豪在訪問中亦談及自己的新碟，外形高大俊朗的他表示希望成為有實力的創作歌手：「最想係擁有一隻全部由自己製作嘅CD，試過有首歌，曲、詞、編都係我自己做，有個DJ聽咗後就讚我啦，不過之後佢偷偷問番我身邊嘅人係咪真係我作嘅，知道之後其實係開心㗎，即係證明我係得㗎啦！」

互以MSN交談

另外，Zelia在訪問中自爆與柏豪有在MSN中交談，問到她對柏豪有何印象時，她說：「我覺得佢好乖，成日都話喺屋企嘅，咁佢又靚仔，又高、又識打波，都唔錯吖！」片段中還有更多精彩的訪問內容，請即留意ontv的《娛樂on Show》。

文：專案組　攝：林蔚恩