「動漫天使」之一的劉芷盈（Mizer L.）挾住「翻版官恩娜」之名，出道短短數月已連接兩個廣告及一部電影，她興奮地說：「公司話幫我接咗個婚紗廣告，同埋替時裝品牌影catalog，遲啲仲會去台灣同棒棒堂二軍嘅牙膏（謝東裕）合作拍電影，真係好開心。」她直言要放棄原本的空姐工作絕不容易，她解釋：「做空姐係好多女仔嘅夢想，但做過之後原來幾辛苦，時間唔定又搞到啲皮膚好差，咁啱玉皇朝舉辦『動漫天使選舉』，仲好好彩得獎，所以決定試吓喺呢行發展。」