江若琳小師妹林司敏（Ciwi）處女電影剛上映，飾演一位愛上詩雅的斷背少女。雖然忙於出席電影宣傳活動，仍不忘出席賑災騷，幫手做接線生，她表示當晚接到不少電話非常感動，她說：「香港人好有愛心，當晚我接咗一位40幾歲嘅Uncle電話，佢同我講話打咗好耐電話都打唔通，叫我哋反映一下可唔可以加多幾條熱線，因為好多人有心捐錢都打唔通電話！嗰刻真係好感動，估唔到香港人真係咁樂於助人，呢啲係我以前坐喺電視前面睇節目時感受唔到嘅！」
除了這位熱心叔叔，Ciwi對於不少來電者都是小朋友更感意外，她說：「好多小朋友打電話嚟捐錢，家長就喺旁邊教佢哋點做，希望呢種愛心教育可以持續落去，咁香港就會愈嚟愈多熱心人士。」
