星皓新人張雁名憑偶像劇《籃球火》人氣急升，前日首次到港宣傳新片《魚狗》，獲大批fans熱情接機，不少人高舉閃燈橫額，並送上準備好的特色港產小吃菠蘿油和魚蛋，令張雁名非常開心。
速學廣東話
同場師姐劉心悠則送上廣東話速學書，更說：「我當年嚟香港學廣東話全靠死記，早前行街見到呢本係用拼音學廣東話，即刻諗到佢，所以咪買嚟送畀佢囉。」
劉心悠帶路
劉心悠在《魚》中飾演張雁名老婆，在香港生活了快四年的劉心悠，主動表示要為張雁名做導遊，怎知張雁名第一時間話想去砵蘭街，他說：「我對香港嘅印象全部嚟自港產片，見蠱惑仔好型，仲成日聽到佢哋話旺角砵蘭街呢啲地方，所以好想去睇睇。」及至有人解釋砵蘭街更是出名的紅燈區，馬上令張雁名十分尷尬。
文：影視組