「八模兵團」之一的盧頌之（DaDa）與陳嘉寶（Anjaylia），前晚結伴出席Reebok活動，見到師姐周秀娜到日本行騷，DaDa亦心郁郁，透露有意到日本發展。她又稱暑假過後工作減少，故趁這段時間積極裝備自己：「我開始學唱歌、跳舞同日文，可能過日本發展，試下唔同類型嘅工作。我仲忙緊幫電影試鏡，做咩角色都冇所謂，最重要係攞經驗同機會。」提到不少o靚模隨暑假過後便被淘汰，DaDa直言不怕，又稱自己並非o靚模：「個名只係傳媒畀，我覺得自己唔係，好多負面嘅新聞亦唔關我事。」