「八模兵團」中的A.Lin（裴殷）與Annie G.（吳燕安）經常在Blog中大晒工作合照，感情甚好，原來她們私底下亦很老友，近日她們齊齊出席校服P的照片，被一名男性朋友上載到Facebook，相中二女的表現與出席活動時的清純形象大大不同，極盡奔放大膽，真性情表露無遺！

男同女攬埋一堆

照片中一班年輕男女在狹小的地方中大玩撲克遊戲，枱上又放有類似酒精飲品，眾人玩得非常興奮，面紅耳熱，興起時男男女女更攬作一團，毫無避忌。A.Lin和Annie G.在派對中極受歡迎，相中不時可見大堆男生圍繞着她們拍照，而A.Lin和Annie G.亦意識大膽地擺出反V手勢及嘟嘴扮可愛拍照，十分狂野。

玩得癲青春大晒

A.Lin和Annie G.的經理人事後表示：「其實嗰次party係因為佢哋有個朋友喺外國返咗香港，咁啱生日就搞咗個以校服做主題嘅party。（見啲相都好似玩得好癲？）青春大晒吖嘛！（相中有反V手勢喎？）佢哋唔知反V有其他意思，入面啲相都係大合照多，都係普通正常社交生活，冇咩特別！」

文：專案組