在早前舉行的書展中，周秀娜與Angelababy已鬥得難分難解，近日二人將戰圈擴展到日本市場，今次還加入諸葛梓岐同場較量，認真好睇過戲。今日她們將同時為當地舉行的大型時裝騷Tokyo Girls Collection 09 A/W（簡稱TGC）擔任模特兒，今年大會更邀請到日本人氣女藝人星野亞希任特別嘉賓，相信屆時她們必定使出渾身解數，鬥搶風頭。

在這場攻日戰中，諸葛梓岐率先搶灘，提早往日本為時裝騷試身之餘，還在「日本通」王友良穿針引線下，拜會了在當地美容界有殿堂地位的HIROSHI TAKAMI，TAKAMI以自己名字命名開設美容院及推出美容產品，其出品的化妝水Skin Peel深受日本女性歡迎，他亦認識不少紅星，而中田英壽與濱崎步均為莫逆之交。

據知，TAKAMI亦有留意今次三位來日行騷的港模，不過始終對諸葛梓岐最印象深刻。王友良說：「TAKAMI老師知道晒三位的背景，佢認為諸葛梓岐畀人高貴優雅嘅感覺。TAKAMI老師平時好低調，不會隨便出外應酬，佢見到諸葛時讚佢靚同埋皮膚好之外，大家仲初步傾睇吓有冇機會合作。」諸葛梓岐則謂：「老師好友善，聽到佢讚都好開心。」

男友同行晒恩愛

昨日才起程到日本的Chrissie，無懼電車男fans呷醋，高調地帶同拍拖兩年的髮型師男友Avis前往當地，在機場上大晒恩愛，以壯行色。二人除了戴上情侶黑超，Avis更細心負責推行李，但見記者在場即怕醜彈開。反而Chrissie表現風騷，與隨行四名工作人員有說有笑，還自爆此行有男友做御用髮型師，如打了強心針。她說：「今次會去四日，除咗行騷外，仲有其他工作做。（冇時間Shopping？）冇呀，連十分鐘時間都冇呀！」至於二人可有時間拍拖？「我估就冇喇，佢今次做我hair stylist，除咗TGC個騷，因為大會有髮型師，佢係負責同我打氣，哈哈！我覺得對唔住佢，要佢一個人行街喇！」Chrissie說。

周秀娜最遲出發，連綵排都蝕埋。（資料圖片）

周秀娜昨日高調帶同髮型師男友Avis前往日本。

做足準備唔衰得

Chrissie自知今次行騷不容有失，事前亦做足準備，她說：「之前有上堂學catwalk，錄低睇番自己表現，亦睇番之前TGC啲女仔行騷，發覺佢哋表達方式同香港唔同，表現得活潑同可愛啲！（同Angelababy鬥到日本喎！）冇話鬥，大家可以一齊代表香港行騷，已經好開心。」

另外，最早到達日本的Angelababy，一方面為時裝騷綵排，前晚更出席當地舉行一酒品牌活動，谷盡人氣。完成catwalk之後，Baby會繼續留在日本學藝。　　　

文：名人組