麥家瑜日前到新城電台接受訪問，她透露黃貫中（Paul）為她打造了一首新歌《不加塑》，原來Keeva從小已認識Paul這位大哥哥，她說：「我爹哋係開錄音室，所以細個成日見阿Paul同啲band友一齊喺錄音室出入，佢亦由細睇到我大，而今次係我監製Gary Tong問Paul可唔可以作首歌畀我，點知佢一口答應，真係好開心！」

畀面和唱

阿Paul除了親自包辦了Keeva新歌的作曲和編曲，更負責和唱部分，可謂畀足面這位「世姪女」，Keeva亦興奮表示：「今次同Paul喺音樂上合作，我真係學到好多嘢，同埋細細個叫佢大哥哥，到依家同佢合作，呢種感覺真係好特別！」不過Keeva亦自爆小時候有段日子十分害怕對方，她解釋：「細個見阿Paul留長頭髮又打扮到好自我，所以都好驚佢，後來慢慢大個先知佢唔係壞人！」

冧金城武

訪問期間，Keeva巧遇音樂拍檔鄺祖德，二人甫碰面即雞啄唔斷，而電台主持更送上兩塊印有Keeva偶像金城武的紙牌送給她，令Keeva笑逐顏開，Keeva更笑言：「我會將呢兩塊牌掛喺房！」

文：音樂組