模特兒Amanda S.是外地來港發展的「過江鳳」，雖然人在異鄉，她表示遇過不少好人幫助，令她感到溫暖。來港多年的Amanda S.，由初時不懂廣東話，到現在完全融入社會，Amanda S.說：「我想讚吓香港啲的士司機，有一次我坐的士返屋企，點知銀包得張500蚊，但係司機又冇咁多散紙，本來我想叫傭人落嚟幫我畀錢，但佢去咗買餸，個司機就叫我留低傭人電話，下次先再收番。（見你靚女？）唔係，係香港人心地好，好似幫我整指甲個女人，每次我上去都會親手整冷麵請我食，仲有個茶水阿姐都成日請我食缽仔糕，真係好sweet啦！」