「大傻」成奎安抗癌五年，最終於上月27日因肝癌逝世。其喪禮雖採用天主教儀式，但他的親友亦送了不少紙紮祭品。治喪委員會昨日在靈堂外放置屏風，謝絕採訪，大傻的親友都直接乘車進入寶福紀念館，避開記者採訪。大傻生前好友譚詠麟、錢嘉樂及方中信等均有到靈堂送別好友，而周潤發夫婦、霆鋒、栢芝、尹志強及米雪等則送上花牌。
唔放心家人
有傳志偉等人會幫手搞教育基金，大傻二房陳美芝叫記者向志偉查問，志偉事後在電話中澄清說：「冇咁嘅事，大傻屋企人比我想像中有計劃，經濟唔差，對於我哋嘅好意，佢哋話唔使。」
對於有指大傻母親不知兒子的死訊，負責統籌其喪禮的李修賢說：「成媽媽九十歲，大傻如果唔係掛心佢阿媽，就唔會返屋企之後發高燒，佢最唔放心就係佢屋企人。（係咪搞基金？）遲一步再講，得啦，大家心照。」
家英哥唏噓
同樣受過癌魔折磨的羅家英，說起與大傻同病相憐的日子亦十分唏噓：「我哋兩個成日互相提醒，注意身體，唔好亂食嘢，記得大傻講過，生死唔係咩大事，最緊要活得開心。（大傻有冇同你講擔心個細仔？）有，明星足球隊應該會幫手搞個基金。（志偉答應咗照顧大傻細仔？）唔清楚。」
文：影視組