周柏豪早前被發現與Zelia密會，他指相約因對方朋友不多，他充當「柴可夫『司機』」，他說：「我哋係好好朋友，同一間模特兒公司，之前佢幫我新歌《夠鐘》MV做女主角開始熟落。（拖手喎？）咁啱講到星相啫，（好唔好拖？）好拖。」Zelia在MV中披上嫁衣，可惜新郎不是柏豪，至於現實中兩人有否發展機會，柏豪說：「順其自然啦，佢冇話有男朋友。」

江若琳失戀

提到緋聞女友Elanne，柏豪就言對方似妹妹：「Elanne細我三年，係好可愛，至於Zelia細我一年，同佢有講唔完嘅話題，（Elanne失戀？）嘩！唔好咁講，我同佢都係傳啫。」柏豪又言未有向Elanne交代新戀情，至於會否希望與Zelia成為情侶檔，柏豪就言：「睇公司安排，自己最想做攝影師，搵佢做模特兒，當然唔會太性感啦。」

薛凱琪甩難

而身為柏豪師姐兼緋聞女友的薛凱琪，被問到會否過兩招予柏豪應付緋聞，她笑言自身難保說：「我邊識，我係失敗者，咁多年都仲傳緊。」至於是否甩難？她就言：「少少啦，不過柏豪終於有自己嘅緋聞，我都好安慰。」

文：音樂組